കൊച്ചേട്ടന്‍റെ കത്ത്

പ്രി​യ ഡി​സി​എ​ൽ കൂ​ട്ടു​കാ​രേ,

"നീ ​വേ​ദ​നി​ക്കു​ന്ന​തി​ൽ എ​നി​ക്കു വേ​ദ​ന​യി​ല്ല'' എ​ന്ന് ഒ​രാ​ൾ ചി​ന്തി​ക്ക​ണ​മെ​ങ്കി​ൽ അ​യാ​ളി​ൽ മൃ​ഗീ​യ​ത ഭ​ര​ണം തു​ട​ങ്ങി​യി​രി​ക്ക​ണം.'' ഈ ​അ​ടു​ത്ത കാ​ല​ത്താ​ണ്, ഇ​ത്ത​ര​മൊ​രു ചി​ന്ത എ​ന്‍റെ മ​ന​സി​നെ മ​ഥി​ക്കാ​ൻ തു​ട​ങ്ങി​യ​ത്. സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​യി ഓ​ടി​യ നി​ര​വ​ധി വീ​ഡി​യോ​ക​ളാ​ണ് ഈ ​ചി​ന്ത ഉ​റ​പ്പി​ച്ച​ത്. സ്കൂ​ൾ വി​ദ്യാ​ർ​ഥി​ക​ളു​ടെ ക​ല​ഹ​ങ്ങ​ളും വ​ഴ​ക്കു​ക​ളും വ​ഴി​വി​ട്ടു വ​ള​ർ​ന്ന്, ത​നി ക്വ​ട്ടേ​ഷ​ൻ ഗു​ണ്ട​ക​ളു​ടെ അ​ഴി​ഞ്ഞാ​ട്ട​ത്തി​ന്‍റെ പ​ക​ർ​ത്തു​ബു​ക്കു​ക​ളാ​യി മാ​റു​ന്ന ക്രൂ​ര​മാ​യ കാ​ഴ്ച​ക​ൾ!

സ്വ​ന്തം ക്ലാ​സി​ൽ പ​ഠി​ക്കു​ന്ന സ​ഹ​പാ​ഠി​യെ കൂ​ട്ടം​കൂ​ടി ക്രൂ​ര​മാ​യി ത​ല്ലി​ച്ച​ത​യ്ക്കു​ന്ന വീ​ഡി​യോ​ക​ൾ! ര​ക്ഷി​ക്ക​ണേ എ​ന്ന് അ​തി​ദ​യ​നീ​യ​മാ​യി കൈ​കൂ​പ്പി കേ​ഴു​ന്ന സ​ഹ​പാ​ഠി​യെ പേ​പ്പ​ട്ടി​ക​ളെ​പ്പോ​ലെ ക​ടി​ച്ചു​കീ​റു​ന്ന ക്രി​മി​ന​ലു​ക​ൾ! എ​ങ്ങ​നെ സാ​ധി​ക്കു​ന്നു ഇ​തു​പോ​ലെ പെ​രു​മാ​റാ​ൻ! എ​ന്തി​നു​വേ​ണ്ടി​യാ​ണ്, കൂ​ട്ടു​കാ​രേ, ഇ​തു​പോ​ലെ ത​ല്ലി​ക്കൊ​ല്ലു​ന്ന​ത്‍്? മു​ന്പെ​ങ്ങു​മി​ല്ലാ​തി​രു​ന്ന ഇ​ത്ത​രം ക്രൂ​ര​ത​ക​ൾ​ക്കു​ള്ള കാ​ര​ണ​ങ്ങ​ൾ മ​നഃ​ശാ​സ്ത്ര​ജ്ഞ​ന്മാ​ർ ഗൗ​ര​വ​മാ​യി അ​ന്വേ​ഷി​ക്കു​ന്നു​ണ്ട്.

സാ​മൂ​ഹി​ക- മാ​ന​സി​ക ഘ​ട​ക​ങ്ങ​ൾ: കൗ​മാ​ര​ക്കാ​ർ​ക്ക് സ്വ​ന്തം ഐ​ഡ​ന്‍റി​റ്റി ക​ണ്ടെ​ത്താ​നു​ള്ള വ്യ​ഗ്ര​ത​യു​ണ്ട്. സു​ഹൃ​ത്തു​ക്ക​ളു​ടെ​യി​ട​യി​ൽ സ്റ്റാ​റ്റ​സ്, പോ​പ്പു​ലാ​രി​റ്റി, പ്ര​ണ​യം, പ​ഠ​നം എ​ന്നി​വ​യി​ൽ മ​ത്സ​ര​മു​ണ്ടാ​കു​ന്പോ​ൾ, ചെ​റി​യ കാ​ര്യ​ങ്ങ​ൾ​പോ​ലും വ​ലി​യ ശ​ത്രു​ത​യ്ക്കു കാ​ര​ണ​മാ​കും.

വീ​ട്ടി​ലെ പ്ര​ശ്ന​ങ്ങ​ൾ, വ​ഴ​ക്ക്, ആ​രും സ്നേ​ഹി​ക്കാ​നി​ല്ല എ​ന്ന തെ​റ്റു​ധാ​ര​ണ, അ​മി​ത സ​മ്മ​ർ​ദം തു​ട​ങ്ങി​യ​വ പ​ല​രും സ്കൂ​ളി​ലേ​ക്കു കൊ​ണ്ടു​വ​രു​ന്നു​ണ്ട്. ചി​ല​ർ​ക്ക് വൈ​കാ​രി​ക, നി​യ​ന്ത്ര​ണ​ത്തി​നു​ള്ള ഒ​രു പ​രി​ശീ​ല​ന​വും വീ​ട്ടി​ൽ കി​ട്ടു​ന്നി​ല്ല. ഈ​ശ്വ​ര​വി​ശ്വാ​സ​മി​ല്ലാ​തെ, പ്രാ​ർ​ത്ഥി​ക്കാ​ന​റി​യാ​തെ, മാ​നു​ഷി​ക- ആ​ത്മീ​യ മൂ​ല്യ​ങ്ങ​ള​റി​യാ​തെ, വ​ഴി​യി​റ​ന്പു സം​സ്കാ​ര​ത്തി​ൽ​ത്ത​ന്നെ വ​ള​രു​ന്ന കു​ട്ടി​ക​ളു​ണ്ട്. അ​വ​ർ​ക്ക് കോ​പം നി​യ​ന്ത്രി​ക്കാ​നു​ള്ള ക​ഴി​വി​ല്ല.

സ​മ​പ്രാ​യ സ​മ്മ​ർ​ദ​വും പ്ര​ധാ​ന ഘ​ട​ക​മാ​ണ്. കൂ​ട്ടു​കാ​രു​ടെ ഗ്രൂ​പ്പി​ൽ ഒ​രാ​ൾ അ​ക്ര​മാ​സ​ക്ത​നാ​ണെ​ങ്കി​ൽ സ്വ​ന്തം വ്യ​ക്തി​ത്വ​മി​ല്ലാ​ത്ത മ​റ്റു​ള്ള​വ​രും അ​ത് അ​നു​ക​രി​ക്കും!

സോ​ഷ്യ​ൽ​മീ​ഡി​യ​യു​ടെ സ്വാ​ധീ​നം :കേ​ര​ള​ത്തി​ൽ സോ​ഷ്യ​ൽ മീ​ഡി​യ അ​ഡി​ക്ഷ​ൻ പ്രാ​യ​ഭേ​ദ​മി​ല്ലാ​തെ ഒ​രു പ​ക​ർ​ച്ച​വ്യാ​ധി​പോ​ലെ ആ​യി​ക്ക​ഴി​ഞ്ഞു. വി​ദ്യാ​ർ​ഥി​ക​ളി​ലാ​ണ് ഈ ​സ​മൂ​ഹ​മാ​ധ്യ​മ അ​ടി​മ​ത്തം ഏ​റ്റ​വും കൂ​ടു​ത​ലു​ള്ള​ത്!

സൈ​ബ​ർ ബു​ള്ളിം​ഗ് ആ​ണ് ഏ​റ്റ​വു​മ​ധി​കം വ്യാ​പി​ക്കു​ന്ന​ത്. സ​മൂ​ഹ​മാ​ധ്യ​മ​ങ്ങ​ളി​ലൂ​ടെ​യു​ള്ള ഭീ​ഷ​ണി​യാ​ണി​ത്. ഇ​ൻ​സ്റ്റ​ഗ്രാം, വാ​ട്സ്ആ​പ്പ്, സ്നാ​പ്ചാ​റ്റ് എ​ന്നി​വ​യി​ലെ അ​പ​കീ​ർ​ത്തി​പ്പെ​ടു​ത്ത​ൽ, ഗ്രൂ​പ്പ് ഔ​ട്ട് ചെ​യ്യ​ൽ, മീം​സ് വീ​ഡി​യോ​ക​ൾ എ​ന്നി​വ വ​ഴി ശ​ത്രു​ത പെ​രു​കു​ക​യാ​ണ്.

ഫൈ​റ്റ് വീ​ഡി​യോ​ക​ൾ, - ക​ർ​ശ​ന​മാ​യി നി​രോ​ധി​ക്ക​ണം. സ്കൂ​ൾ ഫൈ​റ്റ് വീ​ഡി​യോ​ക​ൾ റെ​ക്കോ​ഡ് ചെ​യ്ത്, ഫൈ​റ്റ് പേ​ജു​ക​ളി​ൽ പോ​സ്റ്റു​ചെ​യ്യു​ന്ന​തു വ്യാ​പ​ക​മാ​യി​രി​ക്കു​ക​യാ​ണ്! ലൈ​ക്കി​നും വ്യൂ​സി​നും ഷെ​യ​റി​നും​വേ​ണ്ടി ഫൈ​റ്റു​ക​ൾ അ​തി ക്രൂ​ര​മാ​ക്കു​ന്ന​തും വ​ർ​ധി​ക്കു​ക​യാ​ണ്.

അ​ൽ​ഗോ​രി​തം ഇ​ഫ​ക്ടാ​ണ് ഏ​റെ ശ്ര​ദ്ധി​ക്കേ​ണ്ട മ​റ്റൊ​രു കാ​ര്യം വ​യ​ല​ന്‍റ് ക​ണ്ട​ന്‍റ് തു​ട​രെ കാ​ണു​ന്ന​യാ​ൾ​ക്ക് കൂ​ടു​ത​ൽ വ​യ​ല​ന്‍റാ​യ വീ​ഡി​യോ​ക​ൾ ത​ന്നെ ല​ഭി​ക്കു​ന്നു. അ​തു കു​ട്ടി​ക​ളു​ടെ മ​ന​സി​ൽ "ഡി​സെ​ൻ​സി​റ്റൈ​സേ​ഷ​ൻ' - വൈ​കാ​രി​ക മ​ര​വി​പ്പ് - എ​ന്നൊ​ര​വ​സ്ഥ സൃ​ഷ്ടി​ക്കു​ന്നു. എ​ത്ര ക്രൂ​ര​ത​ക​ൾ ക​ണ്ടാ​ലും ഒ​രു വി​കാ​ര​വു​മി​ല്ലാ​താ​കു​ന്നു! മാ​താ​പി​താ​ക്ക​ൾ ഇ​തി​ന് അ​തീ​വ ശ്ര​ദ്ധ ന​ൽ​കി​യി​ല്ലെ​ങ്കി​ൽ അ​വ​രു​ടെ ജീ​വി​ത​വും അ​പ​ക​ട​ത്തി​ലാ​കും!

പ്രി​യ കൂ​ട്ടു​കാ​രേ, ഇ​തു​മാ​ത്ര​മ​ല്ല, വീ​ഡി​യോ ഗെ​യി​മു​ക​ളും അ​ന്ത്യ​ന്തം അ​പ​ക​ട​ക​ര​മാ​ണ്. പ​ബ്ജി, ഫ്രീ ​ഫ​യ​ർ, ജി.​റ്റി.​എ. തു​ട​ങ്ങി​യ ച​തി​യ​ൻ ഗെ​യി​മു​ക​ളി​ൽ കൂ​ട്ടു​കാ​ർ ഒ​രി​ക്ക​ലും കു​ടു​ങ്ങ​രു​ത്. അ​വ മാ​ര​ക​മാ​യ കു​രു​ക്കു​ക​ൾ ത​ന്നെ​യാ​ണ്! ഈ ​ഓ​ൺ​ലൈ​ൻ ഗെ​യ്മു​ക​ളി​ലെ ട്രാ​ഷ് - ടോ​ക്കും ടീം ​റൈ​വ​ൽ​റി​യും ന​മ്മു​ടെ യ​ഥാ​ർ​ത്ഥ ജീ​വി​ത​ത്തി​ലേ​ക്കും വ​രാം. സ്വ​ത​വേ അ​ഗ്ര​സീ​വ് സ്വ​ഭാ​വ​മു​ള്ള കു​ട്ടി​ക​ളി​ൽ ഇ​തു കാ​ട്ടു​തീ​പോ​ലെ പ​ട​രും. അ​വ​രു​ടെ ഭാ​വി​ജീ​വി​തം ക​ത്തി​ച്ചാ​ന്പ​ലാ​ക്കും!

അ​തി​നാ​ൽ ഡി​ജി​റ്റ​ൽ നേ​റ്റീ​വ്സ് എ​ന്ന നി​ല​യി​ൽ ജെ​ൻ, ഇ​സ​ഡ് (Gen -Z) ആ​ൽ​ഫാ (Alpha) കു​ട്ടി​ക​ൾ​ക്ക് ഓ​ൺ​ലൈ​ൻ - ഓ​ഫ് ലൈ​ൻ ബോ​ർ​ഡ​ർ ന​ഷ്ട​പ്പെ​ടു​ന്ന അ​പ​ക​ട​ക്കാ​ല​മാ​ണി​ത്. ഇ​ത്ത​ര​ത്തി​ലു​ള്ള സ​മൂ​ഹ​മാ​ധ്യ​മ അ​ടി​മ​ക​ൾ​ക്ക് സ​ഹാ​നു​ഭൂ​തി, സ്നേ​ഹം, ക്ഷ​മ, സേ​വ​നം, ക​രു​ണ തു​ട​ങ്ങി​യ മാ​ന​വി​ക മൂ​ല്യ​ങ്ങ​ളെ ഉ​ൾ​ക്കൊ​ള്ളാ​ൻ ക​ഴി​വി​ല്ലാ​ത്ത​വ​രാ​കു​ന്നു! എ​ന്‍റെ "സ്ക്രീ​ൻ ടൈം' ​ഓ​രോ ദി​വ​സ​വും കൂ​ടു​ന്നു​ണ്ടോ എ​ന്ന് സ്വ​യം നി​രീ​ക്ഷി​ക്ക​ണം. ന​മു​ക്കു മ​നു​ഷ്യ​ന​ന്മ​യി​ലേ​ക്കു മ​ട​ങ്ങി​വ​രാം. വീ​ട്ടി​ലും ക്ലാ​സി​ലും, ന​മു​ക്ക് കൂ​ടു​ത​ൽ നേ​രം പ​ര​സ്പ​രം സം​സാ​രി​ക്കാം. ആ​രേ​യും വേ​ദ​നി​പ്പി​ക്കാ​ത്ത ത​മാ​ശ​ക​ൾ പ​റ​യാം. ന​ല്ല കൂ​ട്ടു​കാ​രാ​കാം, കാ​ട്ടു​ജീ​വി​ക​ളാ​കാ​തി​രി​ക്കാം.

സ്നേ​ഹ​ത്തോ​ടെ,

സ്വ​ന്തം കൊ​ച്ചേ​ട്ട​ൻ